فان ديزل مسح صورته بعد ما المصريين طلعوا عينه هههه
النجم الأمريكي " فان ديزل " غلط غلطة عمره لما نزل صورته وهو في مصر، وكان ديزل نزل يوم الجمعة اللي فاتت صورته وهو واقف في منطقة شعبية والناس ماشية حواليه وهو واقف باصص لفوق، وطبعاً الناس في الأول مكنتش مصدقة إنه نزل منطقة شعبية واتصور فيه، وراحوا كلهم علي الفان بيج بتاعته، ومن هنا بدأ الهجوم علي صفحته وعلي صورته كمان، وبدأ الشباب في التعليق علي الصورة، ولأول مرة اتفاجىء ديزل بكومنتات عربي في البيج بتاعته، وشوية لاقي أكتر من 60 الف كومنت بالعربي شوية منهم بيقولوا إنه شبه أحمد مكي وشوية قالوا إن الصورة فوتوشوب وشوية ركبوا صورة توفيق عكاشة جنبه وهو بيقولوا " لو عرفت كام عود في رابطة الجرجير اللي وراك هانتخبك رئيس جمهورية " وشوية عملوا صفحة للست بتاعته الجرجير اللي واقفة وراه وبعد كده قلبوا علي مظاهرة الكترونية ضد حكم العسكر وضد محاكمة العسكريين قدام محاكم عسكرية، وبعد كده طلع واحد وقال " ياجماعة يلا هجوم علي باقي الصفحات " وبالفعل قاموا هجموا علي باقي الصفحات الكبيرة للفنانين والشخصيات العامة لدرجة إنهم احتلوا صفحة الرئيس الامريكي باراك اوباما وكتبوا فيها " يسقط يسقط حكم العسكر ".
وقعد فان ديزل يقول للناس كفاية بالانجليزي ولما ملاقاش اي استجابة كتب بالعربي " عزيزي المصريين شكراً لتعليقاتكم " والناس اول ما شافته كتب كده استلمته تريقة علي الترجمة اللي كاتبها ففي ناس كتبت " فكك من جو ترجمة أنيس عبيد " و ناس تانية كتبت " سيبك من جوجل ترانسليت هيضيعك " .. وأخر مازهق ديزل راح مسح الصورة والبوست وشكل إنه حس بغلطته بعد اللي حصله في البيج بتاعته وباقي بيجات النجوم.
وكان ديزل زار مصر من كام شهر واتصور في كذا مكان مابين القاهرة والاسكندرية والجيزة.
وقعد فان ديزل يقول للناس كفاية بالانجليزي ولما ملاقاش اي استجابة كتب بالعربي " عزيزي المصريين شكراً لتعليقاتكم " والناس اول ما شافته كتب كده استلمته تريقة علي الترجمة اللي كاتبها ففي ناس كتبت " فكك من جو ترجمة أنيس عبيد " و ناس تانية كتبت " سيبك من جوجل ترانسليت هيضيعك " .. وأخر مازهق ديزل راح مسح الصورة والبوست وشكل إنه حس بغلطته بعد اللي حصله في البيج بتاعته وباقي بيجات النجوم.
وكان ديزل زار مصر من كام شهر واتصور في كذا مكان مابين القاهرة والاسكندرية والجيزة.
ممكن حد يقول لي البريد الاكتروني للفيس بوك
مش فاهم قصدك